काठमाडौँ । घरेलु मैदानमा जारी आईसीसी विश्वकप लिग-२ अन्तर्गत त्रिकोणात्मक सिरिजमा अलराउन्डर दीपेन्द्रसिंह ऐरीको उत्कृष्ट ब्याटिङमा नेपालको राष्ट्रिय क्रिकेट टोलीले यूएईसामु २ सय १ रनको लक्ष्य प्रस्तुत गरेको छ।

कीर्तिपुरस्थित त्रिवि क्रिकेट मैदानमा यूएईले टस जितेर बलिङ रोजेपछि ब्याटिङ गरेको नेपाल ४८.२ ओभरमा २ सय रनमा अलआउट भयो। 

दीपेन्द्र सिंह ऐरीले ७५ रन जोडे। दबाबमा परेको नेपालका लागि दीपेन्द्रले सानदार ब्याटिङ गर्दै लक्ष्य उकासे।

यस्तै, कुशल भुर्तेलले २४, करण केसीले २२, आरिफ शेख र सोमपाल कामीले १५–१५ रन जोड्दा भीम सार्कीले १० रन बनाए। आसिफ शेख ७ तथा रोहित पौडेलले २ रन जोडेर पभेलियन फर्किए।

बलिङतर्फ यूएईका लागि अजय कुमारले ३ विकेट लिए। खुजैमा तनविर र जुनैद सिद्दिकीले समान २ विकेट लिए। हैदर अली र मुहम्मद सहदादले समान एक विकेट लिए। 

यूएईले केही बेरमा जवाफी ब्याटिङ गर्नेछ।