काठमाडाैं । सर्वोच्च अदालतले व्यवसायी शेखर गोल्छालाई २४ घण्टाभित्र उपस्थित गराउन नेपाल प्रहरीको केन्द्रीय अनुसन्धान ब्युरो (सीआईबी)लाई आदेश दिएको छ।

मंगलबार बन्दीप्रत्यक्षीकरणको रिटमाथि सुनुवाइ गर्दै सर्वोच्चका न्यायाधीश नृपध्वज निरौलाको इजलासले गोल्छालाई २४ घण्टाभित्र अदालतमा उपस्थित गराउन आदेश दिएको हो। साथै आदेशमा ‘सूचना म्याद पाएको मितिले २४ घण्टाभित्र महान्यायाधिवक्ताको कार्यालयमार्फत बन्दीसहित लिखित जवाफ पेश गर्नु’ भनिएको छ।

शेखरका तर्फबाट उनकी पत्नी सीमा गोल्छाले सोमबार सर्वोच्चमा बन्दीप्रत्यक्षीकरण रिट दिएकी थिइन् । रिटमा उनले गोल्छालाई गैरकानुनी तरिकाले थुनामा राखेको भन्दै रिहाका लागि आदेश माग गरेकी थिइन् ।

गोल्छालाई सीआईबीको टोलीले वैशाख १० गते बिहीबार पक्राउ गरेर अनुसन्धान गरिरहेको छ ।