काठमाडौं । सभामुख अग्निप्रसाद सापकोटा र कानुन, न्याय तथा संघीय मामिला मन्त्री दिलेन्द्रप्रसाद बडुबीच भेटवार्ता भएको छ ।

लामो समयदेखि अबरुद्ध हुँदै आएको प्रतिनिधिसभा बैठकलाई सुचारु गर्नका लागि सभामुख सापकोटा र कानून मन्त्री वडुबीच भेटवार्ता भएको हो ।

‘कानून मन्त्री संसद सचिवालयमा आउनु भएको थियो, सभामुख र कानूनमन्त्रीकाबीच अबरुद्ध संसद सुचारु गर्ने बिषयमा छलफल केन्द्रित थियो ।’– सभामुखका प्रेसबिज्ञ श्रीधर न्यौपानले बताए ।

संसदमा छलफलको वातावरण नभएको कुरा सभामुखले राख्दैँ त्यसका लागि वातावरण बनाउन सरकार र राजनीतिक दल दुवैले भुमिका खेल्नु प¥यो भन्ने सन्देश सरकारलाई पठाएको न्यौपानेले बताए ।

उनका अनुसार अबरुद्ध संसद खुलाउन सरकारले पहल गर्ने र सभामुखले पनि नियमसंगत संसद सञ्चालन गर्ने बिषयमा दुवै पक्षबीच सहमति भएको छ ।

अपरान्ह संसद सचिवालय पुगेका कानून मन्त्री बडुले अमेरिकन सहयोग मिलिनियम च्यालेन्ज कर्पोरेशन (एमसीसी)लाई टेबुल गर्न आग्रह गरे पनि संसद सचिवालयले भने त्यसवारेमा स्पष्ट जानकारी दिएको छैन ।