काठमाडौँ । आइसीसी टी २० विश्वकप दोस्रोपटक खेल्ने लक्ष्य साथ ओमान पुगेको नेपाली राष्ट्रिय क्रिकेट टिमले प्रतियोगिताअघि आजबाट सुरु हुने चार देशीय शृंखला खेल्दै छ ।

शुक्रबार ओमानको अल अमेरात क्रिकेट मैदानमा पौने चार बजेबाट सुरु हुने खेलमा नेपालले घरेलु टोलीको सामना गर्न लागेको हो । नेपालसहित आयोजक ओमान, संयुक्त अरब इमिरेट्स (युएई) र आरल्याण्ड सम्मिलित शृंखला नेपाली टिमका लागि आफ्नो कमजोरी सुधार्ने राम्रो अवसर बनेको छ ।

ओमानमा पहिलोपटक सन्दीप लामिछानेले कप्तानी गर्दा विवेक यादव, लोकेश बम र सागर ढकालले सिनियर टोलीबाट पहिलोपटक खेल्ने छन् । यस शृंखलापछि १४ सदस्यीय टोलीले विश्वकपको ग्लोबल छनोट खेल्ने छ ।