काठमाडौं । एमसीसीबारे निर्णायक निर्णय लिन सत्तागठबन्धन दलका नेताहरुको बैठकको तयारी भईरहँदा प्रधानमन्त्री शेरवहादुर देउवा र नेपालका लागि अमेरिकी राजदूत र्‍यान्डी बेरीबीच भेटवार्ता भएको छ ।

बुधबार साँझ प्रधानमन्त्री देउवा र राजदूत बेरीबीच प्रधानमन्त्रीको सरकारी निवास बालुवाटारमा भेटवार्ता भएको हो । वुधबार नै एमसीसी संसदमा पेश गर्ने तयारीमा रहेका प्रधानमन्त्री देउवा सत्ता गठबन्धन दलको अर्काे घटक माओवादी केन्द्रका अध्यक्ष प्रचण्डको दवाव पछि केही दिन पछि सार्न तयार भएका थिए ।

त्यसपछि राजदुत बेरी प्रधानमन्त्री भेटन बालुवाटार पुगेका हुन् । बेरी वुधबार साँझ ६ बजे बालुवाटार पुगेका थिए ।

प्रधानमन्त्रीले राजदुत बेरीसागको भेटमा सत्तागठबन्धनमा आएको दरारदेखि यसका कारण निम्तिएको सडक प्रदर्शन र सहमति खोज्न दुई दिनको समय लिएको विषयमा जानकारी गराउका थिए ।

कांग्रेस र सरकार एमसीसी अगाडी वढाउन ढृढ रहेको प्रधानमन्त्रीको भनाई रहेको बालुवाटार स्रोतले बतायो । अमेरिकाले अब एमसीसीको समय बढाउन नसकिने गरी समयसीमा दिएकाले त्यो समयसीमामा पुनर्विचारको गुन्जायस छ कि छैन भन्ने विषयमा पनि देउवाले राजदूतसँग जिज्ञासा राखेका थिए ।

तर राजदुत बेरीले यस सम्वन्धमा नेपालले समयसिमाभित्रै निर्णय लिईदिनुपर्ने अमेरिकाको चासो रहेको बताएको बालुवाटार स्रोतले जनाएको छ ।