काठमाडौँ । फागुन १६ भित्रै संसदबाट एमसीसी अनुमोदन गर्ने प्रधानमन्त्री शेरबहादुर देउवाको चाहनामा सत्ता गठबन्धन दलमा सहमति जुट्न नसके पछि राजनीति नयाँ कोर्समा प्रवेश गर्न खोजेको छ । बालुवाटार मा सत्तारुढ दल सग छलफल गरेर सहमति बनाउन नसके पछि प्रधानमन्त्री देउबा विपक्षी एमालेको साथ खोज्न अध्यक्ष केपी शर्मा ओली निवास बालकोट पुगेका थिए । देउबा र ओलीबिच बीचकाे भेट सकिएको छ । एमसीसी अनुमोदनको विषयलाई लिएर सत्तागठबन्धन नै धरापमा परेपछि बिहीबार बेलुका देउवा र ओलीबीच ‌‌ओली निवासमा झन्डै डेढ घण्टा छलफल भएको हो । छलफलमा के कुराकानी भयो भन्ने दुबैपक्षले खुलाउन चाहेका छैनन । भोलि बिहान १० बजे पनि सत्तारुढ दलको बैठक छ । प्रधानमन्त्री भोलि नै सदनमा एमसीसी अनुमोदनका लागि लैजान चाहान्छन । तर माओवादी केन्द्र र एकीकृत समाजबादी तयार भएका छैनन । ओलि एमसीसी अनुमोदनका विषयमा अहिले पर्ख र हेरको निति मा थिए । सत्तारुढ दलको गठबन्धन भत्काकाउन ओली लागि रहेका थिए । सोही कारण पनि उनी एमसीसी अनुमोदनमा पर्ख र हेरको नीति लिएर बसेका थिए ।