काठमाडौँ । विप्लव नेतृत्वको नेकपाबाट विभाजन भएर बनेको नवगठित नेकपा (बहुमत)का संयोजक धर्मेन्द्र बास्तोला पक्राउ परेसँगै पार्टीले स्पष्टीकरण सार्वजनिक गरेको छ ।

राजनीतिक प्रशिक्षण सकेर बाँकेस्थित घरमा जाँदै गर्दा उनलाई प्रहरीले पक्राउ गरेको थियो । बुटवलमा भएको बम बिस्फोटसँग जोडेर बस्तोलालाई षड्यन्त्रपूर्वक ढंगले पक्राउ गरेको भन्दै स्पष्टीकरण दिएको हो ।

नेकपा बहुमतका केन्द्रीय कार्यालय सदस्य हेमन्तप्रकाश वलीले विज्ञप्ति जारी गर्दै भनेको छ, ‘कञ्चन पोखराबाट प्रशिक्षण सकी बाँकेस्थित घरमा जाँदै गर्दा बुटवलमा बम विस्फोट गराइनु र उहाँलाई गिरफ्तार गर्नु सुनियोजित षड्यन्त्र रहेको कुरा स्पष्ट छ।’