काठमाडौँ । दुर्घटनाग्रस्त तारा एयरको विमानमा परी मृत्यु भएका १० यात्रुको शव काठमाडौं ल्याउने भएको छ । दुर्घटनास्थल मुस्ताङको थासाङ गाउँपालिका २ सानोस्वाँरेबाट संकलन गरी कोबाङमा राखिएको शव काठमाडौं ल्याइएको हो ।

नेपाली सेनाको हेलिकप्टरमार्फत एकैपटक १० वटा शव काठमाडौं पठाउन लागिएको सेनाको सहायक रथी नारायण सिलवलले बताए ।

आइतबार बिहान ९ बजेर ५५ मिनेटमा पोखराबाट जोमसोमका लागि उडेको ट्विनअटर मुस्ताङको थासाङ गाउँपालिका २ मा दुर्घटनाग्रस्त अवस्थामा फेला परेको हो ।

विमानमा चालक दलका तीन जना सदस्यसहित २२ जना सवार थिए ।