काठमाडौँ । नवलपरासी पश्चिमको जिल्ला अदालत परिसरमा गोली चलाएको आरोपमा युवक पक्राउ परेका छन् । पक्राउ पर्नेमा सरावल गाउँपालिका ४ मंगलापुरका २८ वर्षीय हंशराज यादव छन् ।

यादवलाई मंगलबार पक्राउ गरिएको जिल्ला प्रहरी कार्यालयले जनाएको छ । यादवको साथबाट ७.६५ एमएमको पेस्तोल, म्यागजिन र एक राउण्ड गोलीसमेत बरामद भएको छ ।

सोमबार दिउँसो करिब १ बजे अदालत परिसरमा यादवले काकी रोशनी यादवलाई लक्षित गरी गोली हानेका थिए ।

यादवलाई ज्यान मार्ने उद्योग तथा हातहतियार तथा खरखजनासम्बन्धी कसूर अनुसन्धान हुने प्रहरीले जनाएको छ ।