काठमाडौँ । नेपाल आयल निगमले पेट्रोलियम पदार्थमा भारी मूल्य वृद्धि गरेसँगै विराटनगरमा यातायात व्यवसायी र मजदुरले चक्काजाम गरेका छन् ।

आइतबार रातिदेखि लागु हुने गरी निगमले डिजेल तथा मट्टीतेलमा प्रतिलिटर २७ रुपैयाँले र पेट्रोलमा प्रतिलिटर २१ रुपैयाँले मूल्य बढाएको थियो । मूल्य वृद्धि भएसँगैपेट्रोल प्रतिलिटर १९९ रुपैयाँ, डिजेल र मट्टितेल प्रतिलिटर १९२ रुपैयाँ पुगेको छ ।

प्रदर्शनकारीले कोसी राजमार्गअन्तर्गत विराटनगरको राजवशी चोक सडक खण्डमा सवारी साधन राखेर यातायात अवरुद्ध गरेका हुन् ।