काठमाडौँ । प्रमुख प्रतिपक्षी दल नेकपा एमालेका अध्यक्ष केपी शर्मा ओलीले जनयुद्धका लडाकुलाई बिर्सेको बताएका छन् । आइतबार बसेको प्रतिनिधिसभा बैठकमा बोल्दै उनले जनयुद्धका लडाकुलाई सरकारले बिर्सेको बताए ।

‘जनयुद्धमा होमिएका जनयोद्धा र घाइतेहरूलाई सरकारले बिर्सेको छ, उनीहरूको समस्या हल गर्नु पर्दैन ? हामीले काम गर्न खोज्दा दिनु भएन, आज आफै जस लिने गरी काम गर्नु न,’ उनले भने ।

अध्यक्ष ओलीले सत्ता प्यारो हुनु नहुने भन्दै नागरिक विधेयक पारित गरी जनतालाई नागरिकता दिनु पर्ने माग राखे । उनले भने, ‘सत्ता यति किन प्यारो भएको हो ? जनताको काम गर्नु पर्दैन, जनताको समस्या बुझ्नु पर्दैन ?’

उनले अहिलेको सरकार पूरै गैर जिम्मेवारी भएको दाबी गरे । यस्तै, उनले राष्ट्रियताको सवालमा स्पष्ट हुनु पर्ने बताए ।