काठमाडौँ । नेकपा एकीकृत समाजवादी पार्टीका अध्यक्ष माधवकुमार नेपाल र चिनियाँ कम्युनिस्ट पार्टी (सीपीसी) विदेश विभागका प्रमुख लिउ चियानछाओलेबीच भेटवार्ता सम्पन्न भएको छ ।

भेटवार्तामा अध्यक्ष नेपालले लिउलाई चीनप्रति नेपालको एक चीन नीति रहेकोबारेमा स्पष्ट बनाएका थिए । ‘हामी एक चीन नीतिप्रति स्पष्ट भएको भन्ने बताएका छौँ, चीनको आन्तरिक मामिलामा नेपालबाट बाह्य हस्तक्षेप नहुने स्पष्ट पार्यौं,’ अध्यक्ष नेपालले भने, ‘चीनविरुद्ध नेपालको भूमिलाई प्रयोग गर्ने दिने पक्षमा छैन भन्ने कुरा हामीले राखेका छौँ ।’

नेपाल र चीनबीचको सम्बन्ध सुमधुर रहेको बताउँदै लिउले खुसी व्यक्त गरेको अध्यक्ष नेपालले बताए । सोही क्रममा चिनियाँ नेता लिउले आम रुपमा नेपाल एक भएको, नेपाली राजनीतिक दल एक भएको, नेपाली जनता सबै मिलेर देश विकास गरे खुसी हुने बताएको अध्यक्ष नेपालले बताए ।