काठमाडौँ । एक १४ वर्षकी विद्यार्थीलाई बलात्कार प्रयास गरेको आरोपमा मकवानपुरको कैलाश गाउँपालिका ९ का वडाध्यक्ष भुवन सिंह घलान पक्राउ परेका छन् ।

उनलाई हेटौँडाबाट नियन्त्रणमा लिएको जिल्ला प्रहरी कार्यालय मकवानपुरले जनाएको छ । उनी आफै प्रहरी कार्यालयमा पुगेका थिए ।

पक्राउ पुर्जी जारी भएपछि प्रहरीले उनको खोजी कार्य सुरु गरेको थियो । सोही क्रममा आज उनी आफै प्रहरी चौकी पुगेका हुन् । घटनाको आवश्यक थप अनुसन्धान भइरहेको प्रहरीले जनाएको छ ।

१४ वर्षीया बालिकाले राष्ट्रपति रनिङशिल्ड प्रतियोगितामा सहभागी हुन हेटौँडा आउँदा वडाध्यक्ष घलानले बलात्कारको प्रयास गरेको जाहेरी दिएकी थिइन् ।