काठमाडौं । नेकपा (क्रान्तिकारी माओवादी)का स्थायी कमिटि सदसय सिपि गजुरेल (गौरव)ले नेपालमा श्रीलंकामा जस्तै जनताको जनआन्दोलनको आँधीवेहेरी एक दिन फेरि उठ्ने वताएका छन् ।

जनविरोधी हर्कत गर्ने शासकहरु धेरै दिन टिक्न नसक्ने भन्दै गजुरेलले श्रीलंकाली जनताले जनआन्दोलनको बलवाटै त्यहाँको राष्ट्रपति देशै छोडेर भाग्नुपर्ने अवस्थासम्म पुरयाएको बताएका छन् ।

अखिल (क्रान्तिकारी) पाटन संयुक्त क्याम्पस इकाई समितिले सोमबार आयोजना गरेको ′पाटन फुटसल प्रतियोगिता’को पुरस्कार वितरण कार्यक्रमलाई सम्वोधन गदै नेता गजुरेलले नेपालमा पनि श्रीलंकाकै जस्तो दिन नआउँला भन्न नसकिने बताए ।

′श्रीलंकाको जनताले राष्ट्रपति भवन गए, प्रधानमन्त्री भवन पुगे र ति कार्यालयहरु कब्जा जमाए । अन्ततः जनताको अगाडी कसैको केही लाग्दैन भन्ने उदाहरण त्यहाँ हालै देखियो । राष्ट्रपति कार्यालय नैं छोडेर भागे,’ गजुरेलले भने, ′नेपालमा पनि त्यो स्थिती नआउँला भन्न सकिदैन । एउटा गोली पनि नचलाई कसरी राष्ट्रपति कार्यालय जनताले कब्जा गरेर देखाए । जनताले चाहे जे पनि गर्न सक्छन् भन्ने उदाहरण श्रीलंकामा देखा परेको छ । नेपालमा पनि यही परिस्थिती निर्माण हुन सक्छ । त्यो दिन धेरै टाढा छैन ।’

नेपालका शासकहरु देशप्रति इमान्दार नभएको र विदेशीहरुको इशारामा चल्न थालेकोले छिटटै राष्टवादी नेपालीहरुले विदेशीका सामु आत्मसमर्पण गर्ने शासकहरुलाई श्रीलंकाकै राष्टपतिको वाटोमा पुरयाईदिने नेता गजुरेलको भनाई थियो ।

उनले एमसीसीको विरोधमा अखिल क्रान्तिकारीले सडकको मोर्चामा देखाएको संर्घषको पनि मुक्त कन्ठाले प्रशंसा गरे । क्रान्तिकारी विधार्थीहरुले नै एमसीसी विरोधी मोर्चा र आन्दोलनको नेतृत्व गरेको गजुरेलेको भनाई थियो । उनले शिक्षा र स्वास्थ्य निशुल्क हुनुपर्ने माग अखिल क्रान्तिकारीको रहेको भन्दै त्यसका लागि पनि संर्घष केन्द्रीत गर्न क्रान्तिकारी विधार्थीहरुलाई निर्देशन दिए ।

कार्यक्रममा अखिल क्रान्तिकारीका अध्यक्ष हरिकृष्ण गजुरेलले विधार्थीहरुले जिज्ञासु भएर राजनीतिमा पहल लिनुपर्ने बताए । उनले गलत मानिस देशको वागडोर सम्हाले ठाँउमा पुग्दा देश विग्रने भन्दै विधार्थीहरुले राजनीतिमा सचेत भएर सही पहलकदमी लिनुपर्ने बताए ।

कार्यक्रममा प्राध्यापक संगठनका केन्द्रीय अध्यक्ष जगदिशचन्द्र भण्डारी, अखिल क्रान्तिकारीकी केन्द्रीय उपाध्यक्ष शिलु न्यौपाने लगायतले पनि सम्वोधन गरेका थिए ।