काठमाडौँ । सप्तरीको शम्भुनाथ नगरपालिका ८ मा गएराति पैदलयात्रीलाई ठक्कर दिएर मोटरसाइकल पल्टिँदा दुई जना घाइते भएका छन् ।

घाइते भएका पैदलयात्री अन्दाजी २७ वर्षीय युवक र मोटरसाइकल चालक अन्दाजी ३० वर्षीय युवकको छिन्नमस्ता अस्पताल राजबिराजमा उपचार भइरहेको छ । घाइतेमध्ये मोटरसाइकल चालकको अवस्था गम्भिर रहेको छ ।

पैदल हिँडिरहेका युवकलाई ठक्कर दिएर गएराति पौने ११ बजे मोटरसाइकल पल्टिएको इलाका प्रहरी कार्यालय कल्याणपुरले जनाएको छ ।