काठमाडौं । पूर्व प्रधानमन्त्री डा बाबुराम भट्टराईले नयाँ पार्टी नेपाल समाजवादी पार्टी निवार्चन आयोगमा दर्ता गरेका छन् । बिहीबार आयोगमा नेपाल समाजवादी पार्टी दर्ता भएको पार्टीका केन्द्रीय सदस्य विश्वदिप पाण्डेले बताए । जसपा छोडेर भट्टराई नयाँ पार्टी गठनमा लागेका थिए । उक्त नयाँ पार्टी निवार्चन आयोगमा आज दर्ता गरेका हुन् ।

दलको नाम नेपाल समाजवादी पार्टी र चुनाव चिह्न आँखालाई अद्यावधिक गरेको पाण्डेले बताए । अब यो पार्टीको केन्द्रीय समिति बैठक बसेर पदाधिकारी चयन गर्ने सोही पार्टीका एक नेताले बताए ।

जसपामै रहँदा पार्टीभित्र विवाद उठेपछि बाबुराम पत्नी हिशिला यमीको सक्रियतामा लामिछानेको नेतृत्वमा चुनाव चिन्ह पकड गर्न बाबुराम पक्षले उक्त पार्टी निर्वाचन आयोगमा दर्ता गराएको आरोप उपेन्द्र यादव पक्षले त्यसबेला देखि नै लगाउँदै आएको थियो ।