काठमाडौँ । अर्थमन्त्री जनार्दन शर्माले पद तथा गोपनीयताको शपथ लिएका छन् । आइतबार साँझ राष्ट्रपति कार्यालयमा आयोजित एक समारोहका बीच राष्ट्रपति विद्यादेवी भण्डारीले उनलाई शपथ गराएकी हुन् ।

बजेट निर्माणमा अनधिकृत व्यक्ति सहभागी गराएर करको दर हेरफेर गरेको भन्दै एमालेले विरोध गरेपछि राजीनामा दिएका थिए । योसँगै गत २२ असारमा संसदीय छानबिन समिति गठन गरी छानबिन भएको थियो ।

संसदीय समितिले उनीमाथि लागेको आरोप पुष्टि गर्न नसकेनपछि प्रधानमन्त्री शेरबहादुर देउवाले उनलाई पुनः अर्थमन्त्री बनाएका हुन् ।