काठमाडौँ । प्रमुख प्रतिपक्षी दल नेकपा एमालेले आगामी मंसिरमा हुने संघ र प्रदेशसभा निर्वाचनमा वाम गठबन्धन नगर्ने बताएको छ । यस्तै, पार्टी नै एक ढिक्का भएर चुनावको सामना गर्ने एमालेले निर्णय गरेको छ ।

आज बसेको स्थायी कमिटी बैठकमा केही नेताहरूले वाम गठबन्धनको पहल गर्नु पर्ने बताएका थिए । तर, आफूलाई वामपन्थी भन्नेहरू कांग्रेस छाडेर नफर्किने भएकाले वाम गठबन्धन सम्भव नभएको पार्टीले निष्कर्ष निकालेको हो ।

बैठकमा घनश्याम भुसाल, रघु जी पन्त, हिक्मत कार्की, शेरधन राईलगायतका नेताले आफ्नो धारणा राखेका थिए । यस्तै, केही नेताहरूले अन्य वामपन्थी राजनीतिक दलबाट जतिसक्दो कार्यकर्ता पार्टीमा भित्र्याउने नीति लिएको छ ।

बैठकले प्रतिनिधिसभा र प्रदेशसभा निर्वाचनका उम्मेदवारको मापदण्डसमेत प्रस्ताव गरेको छ ।