काठमाडौँ । राष्ट्रपति विद्यादेवी भण्डारी र नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’बीच भेट वार्ता भएको छ । राष्ट्रपति भण्डारीलाई भेट्न प्रचण्ड शितल निवास पुगेका हुन् ।

स्रोतका अनुसार बिहीबार साँझ सत्ता गठबन्धनको बैठक जारी हुँदै गर्दा अध्यक्ष प्रचण्ड राष्ट्रपतिसँग भेटवार्ता गर्न गएका हुन् । प्रतिनिधिसभाबाट पारित गरी राष्ट्रियसभामा पठाइएको नागरिकता विधेयकबारे छलफल गर्न प्रचण्ड शितल निवास पुगेका हुन् ।

भोलि शुक्रबार दिउँसो राष्ट्रियसभा बैठक बस्ने भएको छ । सोही बैठकमा नागरिकता विधयेक पारित गर्ने तयारी भएको छ । पछिल्लो समय नागरिकता विधेयकलाई लिएर राष्ट्रपति र सरकारबीच टकराव उत्पन्न भएको छ ।