काठमाडौँ । प्रधानमन्त्री शेरबहादुर देउवालाई भारतको स्थल सेनाका प्रमुख मनोज पाण्डेले भेट गरेका छन् । पाण्डेले मंगलबार प्रधानमन्त्री तथा मन्त्रिपरिषद्को कार्यालय सिंहदरबारमा पुगेर देउवासँग भेट गरेका हुन् ।

पाण्डे आइतबार पाँच दिने नेपाल भ्रमणका लागि काठमाडौँ आइपुगेका थिए । उनले सोमबार राष्ट्रपति विद्यादेवी भण्डारीबाट नेपाली सेनाको मानार्थ महारथीको दर्ज्यानी ग्रहण गरिसकेका छन् ।