सर्लाही । जिल्लामा जंगली हात्तीले दुई वटा घर भत्काएको छ । जंगली हात्तीले गए राति हरिवन नगरपालिका ५ महतो टोलमा शंकर महतो र प्रकाश महतोको घर भत्काएको हो ।

हात्ती धपाउन कर्मचारी परिचालन गरिएको डिभिजन वन कार्यालयका प्रमुख मञ्जुर अहमदले जानकारी दिए । हात्तीले घर भत्काएर घरभित्र रहेका अन्नपात खाएर क्षति पुर्‍याएको छ । बस्तीमै हात्ती आएर क्षति पुर्‍याउन थालेपछि त्यस क्षेत्रका स्थानीय त्रसित बनेका छन् ।

हात्तीले स्थानीयवासी जंगलमा घाँस दाउराका लागि जानसमेत सकेका छैनन् । स्थानीयबासी र प्रहरीको सहयोगमा हात्तीलाई जंगलतर्फ धपाइएको छ ।