काठमाडौँ । टर्कीमा ७.८ म्याग्नेच्युडको शक्तिशाली भूकम्प गएको दुई सातापछि फेरि अर्को शक्तिशाली भूकम्प गएको छ ।

क्षिणी टर्कीको हतय प्रान्तलाई केन्द्रविन्दु बनाएर ६‌.३ म्याग्नेच्युडको भूकम्प जाँदा कम्तीमा तीन जनाको मृत्यु भएको छ ।

कम्पमा परी सैयौं घाइते भएको टर्कीको विपद् तथा आकस्मिक व्यवस्थापन संस्था एएफएडीले जनाएको छ ।

टर्कीका अधिकारीहरुले सोमबारको भूकम्पमा परी दुई सय ९४ जना घाइते भएको बताएका छन् ।

भूकम्पपछि दर्जनौं पराकम्पनहरू गइरहेका छन् । भूकम्प गएको हतय प्रान्त सिरियाको नजिकै रहेको अन्तर्राष्ट्रिय सञ्चारमाध्यमले उल्लेख गरेका छन् ।

टर्की र सिरियाका अधिकारीका अनुसार दुई साताअघि गएको ७।८ म्याग्नेच्युडको शक्तिशाली भूकम्पमा परी मृत्यु हुनेहरूको संख्या ४६ हजार नाघेको छ ।