काठमाडौं । ललितपुरको कुपण्डोलस्थित महिन्द्राको सर्भिसिङ सेन्टरमा आगलागी हुँदा ७ चारपांग्रे गाडी जलेका छन् । ३ वटा मोटरसाइकल र ३ वटा स्कुटर पनि जलेका प्रहरीले जनाएको छ ।

जिल्ला प्रहरी कार्यालय ललितपुरका प्रुमख एसएसपी शिद्धिविक्रम शाहले बिहान ४ः४७ मा लागेको आगो प्रहरीको सक्रियतामा ५ः१७ बजे नियन्त्रणमा आएको जानकारी दिए ।

आगलागीको कारण नखुलेको र क्षतिको पूर्ण विवरण संकलनको काम पनि भइरहेको प्रहरीले जनाएको छ ।