पाकिस्तानको स्वात जिल्लाको काबल सहरमा रहेको काउन्टर टेररिज्म डिपार्टमेन्टको प्रहरी चौकीमा सोमबार राति आत्मघाती हमला भएको छ । प्रहरी चौकीमा दुईवटा विष्फोट हुँदा आगलागी भएको थियो । यस आक्रमणमा १२ प्रहरीको मृत्यु भएको छ । साथै ४० जना घाइते भएका छन् ।

जनतालाई उचित उपचार उपलब्ध गराउन नजिकका सबै अस्पतालमा आपतकालीन अवस्था घोषणा गरिएको छ । आक्रमणपछि खैबर पख्तुनख्वामा उच्च सतर्कता अपनाइएको छ ।

विष्फोटबाट प्रहरी चौकीको छत भत्किँदा धेरै मानिसहरु भग्नावशेषमुनि पुरिएको घटनास्थलमा उपस्थित मानिसहरुले बताएका छन् ।