काठमाडौं । सलमान खान अभिनित फिल्म ‘किसीका भाइ किसीकी जान’ले रिलिजकाे पहिलो दिन खराब ओपनिङ गर्यो ।

शुक्रबारबाट विश्वभर एकसाथ प्रदर्शन भएको यो फिल्मले पहिलो दिन १५.८१ करोड भारुको कलेक्शन गरेको थियो । यो उनको दश बर्ष यताकै खराब ओपनिङ हो । फिल्मले नेपाली बक्सअफिसमा पनि राम्रो कमाइ गर्न सकेन ।

दोस्रोदिन कमाइमा केहि सुधार आयो । भारतीय सञ्चारमाध्यमका अनुसार शनिबार फिल्मले २५.७५ करोड भारु बटुल्न सफल भयो । त्यस्तै तेस्रो दिन फिल्मले २६.६१ करोड कमाएको थियो ।

तर रिलिजको चौथो दिनमै यसको कमाइ ओरालो लागेको छ । चौथो दिनमा फिल्मले १.१७ करोड मात्र कमाउन सक्यो ।

फिल्मकाे चारदिनसम्मको कमाइ एकमुस्टमा ७८.३४ करोड भारु पुग्न आउँछ । यो तथ्याङ्क हेर्दा सलमानको फिल्म ‘किसीका भाइ किसीकी जान’ले दोस्रो साताको अन्त्यसम्ममा १०० करोड माथीको कलेक्सन गर्ने अनुमान गर्न सकिन्छ ।