काठमाडौं । सिटी होटल लिमिटेडले आजदेखि सर्वसाधारणका लागि आइपीओ निष्काशन गरेको छ ।

सिडिएस एण्ड क्लियरिङ्गका अनुसार पहिलो दिनमै आइपीओमा माग भन्दा बढी आवेदन परको छ । सोमबार साँझ ५ बजेसम्ममा २ लाख १७ हजार ४३७ आवेदकबाट २४ करोड ८७ लाख ६४ हजार रुपैयाँ बराबरको २४ लाख ८७ हजार ६४० कित्ता शेयरको लागि आवेदन परेको सिडिएसले जनाएको हो ।

कम्पनीले १६ लाख ७४ कित्ता मध्ये १ लाख ६७ हजार ४०० कित्ता सेयर वैदेशिक रोजगारीमा रहेका नेपालीका लागि निष्काशन गरिसकेको छ भने ६६ हजार ९६० कित्ता सेयर कर्मचारी र ८३ हजार ७ सय कित्ता सामूहिक लगानी कोषका लागि छुट्याएको छ । बाँकी रहेको १३ लाख ५५ हजार ९४० कित्ता सेयरमा सर्वसाधारणका लागि निष्काशन गरेको हो ,

आईपीओमा वैशाख २८ गतेसम्म आवेदन दिन सकिनेछ। उक्त अवधिमा माग अनुसार आवेदन नपरेमा जेठ ८ गतेसम्म आवेदन दिन सकिनेछ ।

आईपीओमा न्यूनतम १० देखि अधिकतम १ हजार कित्तासम्म आवेदन दिन पाइनेछ ।