विराटनगर । कोशी प्रदेशका मुख्यमन्त्री तथा एमाले प्रदेश संसदीय दलका नेता हिक्मतकुमार कार्कीले प्रदेश सरकार निर्माणका लागि आफुहरु बाधक नबन्ने भन्दैं कांग्रेससँग मिलेर सरकार गठनका लागि एमाले तयार रहेको बताएका छन् । उनले तर त्यसरी सरकार बनाईरहादा आलोपालो सरकारको नेतृत्व बाँडफााडका विषयमा भने एमाले सहमत नरहेको पनि बताए ।

सर्वोच्च अदालतले उद्धव थापाको मुख्यमन्त्री नियुक्तिलाई बदर गरेसँगै एमाले संसदीय दलका नेता समेत रहेका हिक्मत कार्कीले कामचलाउ मुख्यमन्त्रीको रूपमा पुनस् कार्यभार सम्हाल्दै छन् ।

काठमाडौंबाट आजै विराटनगर पुगेका कार्कीले विमानस्थलमा सञ्चारकर्मीसँग कुरा गर्दै प्रदेशको समृद्धिको लागि एमाले बाधक नहुने बताएका हुन् ।

‘मुख्यमन्त्री दिन हामी तयार छौं । बहुमत नभएपछि मुख्यमन्त्री दिन पनि तयार हुनुपर्छ । तर कार्यकाल बाँड्ने कुरामा सहमत छैनौं, कार्कीले भने ।