काठमाडौँ । नेपाली कांग्रेस संसदीय दलले क्विन्टल सुन तस्करी प्रकरणको छानबिन नेपाल प्रहरीको केन्द्रीय अनुसन्धान ब्यूरो (सिआईबी)बाटै हुनु पर्ने बताएको छ ।

संघीय संसद् भवन नयाँ वानेश्वरमा तीन दिनसम्म बसेको कांग्रेस संसदीय दलको बैठकले सरकारी निकायबाटै तस्करीको सुनबारे छानबिन हुनुपर्ने निर्णय गरेको प्रमुख सचेतक रमेश लेखकले जानकारी दिए ।

उच्चस्तरीय छानबिन समिति गठबनको माग दलको बैठकमा केही नेताहरूले गरे पनि संसदीय दलको बैठकले भने त्यस्तो छानबिन समिति गठनको आवश्यकता देखिएको निष्कर्ष बैठकले निकालेको प्रमुख सचेतक लेखकले बताए ।

‘त्रिभुवन अन्तर्राष्ट्रिय विमानस्थलबाट क्विन्टल सुन तस्करीको विषयमा गम्भीर ध्यानाकर्षण भएको छ । सबैको निगरानी भएको स्थानबाट सुन बाहिरिनु गम्भीर छ । यस्ता गैरकानुनी काम निस्तेज हुनुपर्छ‚’ लेखकले भने‚ ‘जो सुकै संलग्न भए पन कारबाही गर्नुपर्छ । सरकारी निकायले नै छानबिन गरिरहेकाले जोसुकै भए पनि कानुनी अभियोजन गर्नुपर्छ र सीआईबीले नै छानबिन गर्नुपर्छ ।’