काठमाडौं । सन् २०२४ को हज यात्राका लागि नेपालले साउदी सरकारबाट १२०० जनाको कोटा पाएको छ । जसअनुसार हजका लागि १२०० मुस्लिम धर्मावलम्बीहरुले आवेदन दिन सक्ने भएका छन् ।

नेपाल हज समितिले मंगलबार एक सूचना जारी गर्दै हज गर्न चाहने इच्छुक मुस्लिम धर्मावलम्बीले साउन ३० देखि असोज ३० भित्र आवेदन दिन सक्ने उल्लेख गरेको छ ।

त्यसका लागि पहिलो किस्तास्वरुप आफ्नो ठेगाना रहेको जिल्ला प्रशासन कार्यालयमा १ लाख ५० हजार डिपोजित रकम बुझाउनुपर्ने सूचनामा उल्लेख छ ।