काठमाडौं । जाजरकोट भूकम्पका पीडितलाई चीन सरकारले दिएको राहत बोकेर चिनियाँ सेनाका जहाज नेपाल आइपुगेका छन्।

चिनियाँ सेनाका दुई जहाज राहत सामग्रीसहित बुधबार बिहान पोखरा विमानस्थलमा अवतरण भएका हुन् ।

उक्त राहत सामग्री सरकारको समन्वयमा भूकम्प प्रभावित क्षेत्रमा पुर्‍याउने तयारी छ। चिनियाँ राजदूत छन सोङले आज उक्त समान उपप्रधान तथा गृहमन्त्री नारायणकाजी श्रेष्ठलाई हस्तान्तरण गर्नेछन् ।

गत शुक्रबार जाजरकोट केन्द्र भइ गएको भूकम्पपछि प्रभावितहरूका लागि चीनले १० करोड रुपैयाँको राहत सामग्री दिने घोषणा गरेको थियो।