काठमाडौं । माइतीघर मण्डला देखि बानेश्वर क्षेत्रमा एक् महिना निषेधाज्ञा जारी गरेको काठमाडौं जिल्ला प्रशासन कार्यालयले दुर्गा प्रसाईंलाई मंसिर ७ को कार्यक्रम गर्नका लागि बल्खु क्षेत्र तोकिदिएको छ ।

एमालेको युवा संघ र प्रसाई समुहले परस्पर विरोधी कार्यक्रम एकै दिन, एकै स्थान र एकै समयमा राखेपछि जिल्ला प्रशासन कार्यालयले माइतीघरमण्डलादेखि बानेश्वर क्षेत्रसम्मलाई निषेधित क्षेत्र घोषणा गरेको हो ।

त्यसपछि प्रसाईलाई बल्खु क्षेत्रमा आफनो कार्यक्रम गर्न स्थान तोकिदिएको हो । युवा संघले भने तिनकुनेमा आफनो कार्यक्रम गर्ने जनाएको छ ।

यसअघि प्रशासनले नेकपा एमालेको संगठन युवा संघलाई तिनकुने क्षेत्र तोकिदिएको थियो ।