काठमाडौं । दाङ देउखुरीको राप्ती गाउँपालिका–१ भालुबाङस्थित राप्ती नदीको पुलबाट बस खस्दा मृत्यु भएका १२ जनाको सनाखत भएको छ ।

जिल्ला प्रहरी प्रमुख एसपी रामबहादुर केसीका अनुसार मृतकमध्ये चितवन भरतपुर उपमहानगरपालिका – २५ का ३५ वर्षीय अनिल खड्का, बाँकेको खजुरा गाउँपालिका– ३ सिर्जनशील टोलका २५ वर्षीय सन्जय केसी, बाँकेकै कोहलपुर नगरपालिका–८ का २८ वर्षीय अर्पन थापा र भारतको बहराइज नानपारा बग्लुभौतपुरका ४५ वर्षीय चेतराम सिल्पकारको शनिबार दिउँसो सनाखत भएको हाे ।

त्यसअघि आठ जनाको सनाखत भइसकेको थियो। जसमा नेपालगञ्जका ६० वर्षीया कुसम बस्नेत, मकवानपुर हेटौंडा बस्ने ३०/३५ वर्षीय शौरभ बिष्ट, जुम्लाको चन्दनाथ-९ का ४० वर्षीय मुनबहादुर रावत,  बाँकेका ३० वर्षीय रामबरण हरिजन, रुकुम गोतामकोट-९ का २५ वर्षीय दीपक डाँगी, काठमाडौं चन्द्रागिरि नगरपालिका-१५ का ६५ वर्षीय ताराकान्त पाण्डे,  भारत पूर्वी चम्पाटनमलाहीका ६७ वर्षीयय योगेन्द्र राम र भारत उत्तर प्रदेश अतिकुल्ला खैरे बस्ने ३१ वर्षीय मुनेको बस दुर्घटनामा परी मृत्यु भएको थियाे ।

मृतकहरूको पोष्टमर्टम दाङको लमही अस्पतालमा भइरहेको छ। दिउँसो साढे ३ बजेसम्म पाँच जनाको पोष्टमर्टम सकेर आफन्तले शव बुझेर लगीसकेका छन् ।

दुर्घटनामा एक महिला र ११ पुरूष गरी १२ जनाको मृत्यु भएको थियाे ।