कञ्चनपुर । कञ्चनपुरमा नास्ता पसलमा जुवातास खेलिरहेको अवस्थामा ५ जना पक्राउ परेका छन् ।

जिल्लाको भिमदत्त नगरपालिका–४ स्थित ओम नास्ता पसलमा जुवातास खेलिरहेको अवस्थामा शुक्रबार साँझ प्रहरीले पाँच जनालाई पक्राउ गरेको हो ।

पक्राउ पर्नेहरुमा बेदकोट नगरपालिका–९ बस्ने ३० वर्षीय गोपाल बहादुर भण्डारी समेत ५ जनालाई जिल्ला प्रहरी कार्यालय कञ्चनपुरबाट खटिएको प्रहरीले समातेको हो । साथै

उनीहरूको साथबाट नगद ४४ हजार ९४ रूपैयाँ र १ बुक ताससहित पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।