चितवन । नवलपुरको हुप्सेकोटका एक जना गर्भवती महिलाको हत्या भएको छ।

आइतबार बिहान करिब १ बजे जिल्लाको हुप्सेकोट गाउँपालिका वडा नं. ६ बिरुखर्कका ३३ वर्षका शेरबहादुर लम्कामगरले ३४ वर्षीया श्रीमती चनिसरा लम्कामगरको हत्या गरेका हुन् ।

प्रहरीका अनुसार शेरबहादुरले घरमै सुतिरहेकी श्रीमती चनिसरालाई कोदालो र खुर्पा प्रहार गरेर हत्या गरेका हुन् । हत्या गर्ने शेर बहादुरलाई घरबाटै नियन्त्रणमा लिइएको प्रहरीले जनाएको छ ।

मृतक चनिसरा गर्भवती पनि थिइन्। उनको यही महिना डेलिभरी हुन लागेको थियो।

घटनाबारे थप अनुसन्धान भैरहेको प्रहरीले जनाएको छ ।