कालिकोट । कालिकोटमा प्रहरीले भरूवा बन्दुक बरामद गरेको छ ।

तिलागुफा नगरपालिका-९ स्थित शिवालय सामुदायिक वनबाट भरूवा बन्दुक १ थान सोमबार साँझ बरामद गरिएको हो ।

अस्थायी प्रहरी पोष्ट चिलखायाबाट खटिएको गस्ती टोलीलाई देख्नासाथ अपरिचित व्यक्तिले बन्दुक छाडी फरार भएपश्चात प्रहरीले उक्त बन्दुक बरामद गरेको हो ।

प्रहरीले हाल फरार व्यक्तिको खोजी गर्नुका साथै यस सम्बन्धमा आवश्यक अनुसन्धान गरिरहेको छ ।