काठमाडौं । भारतको सबैभन्दा ठूलो कार उत्पादक मारुती सुजुकीले आफ्नो पहिलो ईभी लन्च गर्ने तयारीलाई अन्तिम चरणमा पुर्याएको छ ।

२०२५ को सुरुवातमै पहिलो ईभी मोडल ईभीएक्स लन्च गर्ने योजना बनाएको कम्पनीले त्यस अगावै भारतभर २५ हजारभन्दा बढी चार्जिङ पूर्बाधार तयार पार्ने योजनामा समेत काम गरिरहेको छ ।

चार्जिङ पूर्बाधार विस्तार गर्न मारुती सुजुकीले भारतका आयल मार्केटिङ कम्पनी र विभिन्न इनर्जी कम्पनीसंग सहकार्य गर्ने योजना बनाएको हो । मिडिया रिपोर्टका अनुसार कम्पनीले अहिले भारतभर रहेका डिलर नेटवर्कसंग समेत यस विषयमा छलफल अघि बढाएको छ ।

ईभीएक्सको मूल्य २० देखी २५ लाख भारुको विचमा कायम हुने अनुमान गरिएको छ । भारतमा हाल टाटा, महिन्द्रा, सिट्रोन र एमजीले ईभी उत्पादन गर्दै आएका छन् ।