काठमाडौं । बुधबार सेयर बजार दोहोरो अंकले घटेर बन्द भएको छ ।

आज नेप्से परिसूचक १४ दशमलव १२ अंकले घटेर २,७३४ को विन्दुमा कायम भएको हो ।

बुधबार ९९ कम्पनीको मूल्य बढेको छ भने १३८ कम्पनीको मूल्य घटेको छ । आज ३०८ कम्पनीको १ करोड ५३ लाख ६२ हजार २०६ कित्ता शेयर किनबेच हुँदा ७ अर्ब ९१ करोडको सेयर कारोबार भएको छ ।

आज सबैभन्दा धेरै जानकी फाइनान्सकोसेयर कारोबार भएको छ । यसदिन कम्पनीको ३३ करोड ८६ लाख रुपैयाँको कारोबार भएको छ । पोखरा फाइनान्सको २५ करोड ८९ लाख रुपैयाँको सेयर कारोबार भएको छ । सप्तकोशी डेभलपमेन्ट बैंकको २१ करोड ५७ लाख रुपैयाँको कारोबार भएको छ ।