काठमाडौं । अनरले मध्यस्तरीय श्रेणीको उत्कृष्ट फोन अनर एक्स७सी बजारमा ल्याएको छ।

लामो ब्याट्री लाइफ, ठूलो स्टोरेज, स्पष्ट फोटोग्राफी रहेको फोनमा फाइभ स्टार ड्रप प्रतिरोध भएको कम्पनीको दाबी छ। यद्यपि यो डेढ मिटरको उचाइबाट गरिएको ड्रप परीक्षण हो।

फोनमा ३६० डिग्री एन्टी ड्रप प्रोटेक्शन, धुलो र पानी प्रतिरोधका लागि आईपी६४ रेटिङ छ भने ६ हजार मिलि एम्पिएरको शक्तिशाली ब्याट्री पनि छ।

३०० प्रतिशतसम्म ठूलो आवाज दिने डुअल स्टीरियो स्पिकरले सेकेन्डरी स्पिकरको पनि आवश्यकता हटाउनले कम्पनीको दाबी छ। फोनमा अल्ट्रा-पावर-सेभिङ्ग मोड प्रयोग गर्दा २ प्रतिशत ब्याट्रीमा पनि ७५ मिनेटसम्म कल गर्न सकिनेछ।

कम्पनीले अहिले यी सबै विशेषतासहितको अनर एक्स७सी फोन अफरसहित २४ हजार नौ सय ९९ रुपैयाँमा उपलब्ध गराएको छ। यसका साथै नि:शुल्क स्कीकेई जीटी वाच पनि पाउनेछन्।

यो फोन अनलाइनमार्फत दराज, जीभी र हुकुट स्टोरबाट किन्न सकिनेछ। यसका अलावा नजिकैको मोबाइल पसल वा सीटीसी मलको पाँचौं तलमा रहेको अनरको अधिकृत स्टोरमा पनि उपलब्ध छ।