विभिन्न स्थानमा ७ जना मृत अवस्थामा फेला

मेरोन्यूज २०८१ मंसिर ३० गते १५:३९

काठमाडौं । सल्यानसहित देशका विभिन्न स्थानमा ७ जना मृत अवस्थामा फेला परेका छन् ।

सल्यान, शारदा नगरपालिका-१ शान्तिनगर बस्ने ६६ वर्षीय डम्बर बुढाथोकी आफ्नै घरमा शनिबार मृत अवस्थामा फेला परेका हुन् ।

यस्तै बाग्लुङ, बडिगाड गाउँपालिका-६ छिसफाटस्थित नालीको पानीमा सोही गाउँपालिका-७ बस्ने ४० वर्षीय जनक रावल आइतबार मृत अवस्थामा फेला परेका छन् ।

स्याङ्जा, पुतलीबजार नगरपालिका-३ काफलडाँडा घर्तिगाउँ बस्ने ६३ वर्षीय गोपाल घर्ति सोही ठाउँस्थित गोरेटो बाटोमा शनिबार मृत अवस्थामा फेला परेका छन् ।

धादिङ, धुनिवेशी नगरपालिका-५ अमलेचौर बाह्रबिसेस्थित सत्य ईट्टाभट्टाको कम्पाउण्डभित्र सोही नगरपालिका-८ बरथुम्की बस्ने २६ वर्षीय ईश्वर लामा आइतबार मृत अवस्थामा फेला परेका छन् ।

सर्लाही, लालबन्दी नगरपालिका-६ स्थित शिव मन्दिरको प्रतिक्षालयमा महोत्तरी बर्दिवास नगरपालिका-१४ घर भएका ५५ वर्षीय मोहन साह सोनार आइतबार मृत अवस्थामा फेला परेका छन् ।

सर्लाहीकै बरहथवा नगरपालिका-३ झिगाही टोल बस्ने ४५ वर्षीया सिकिलिया देवी महतो आफ्नै घरमा आइतबार मृत अवस्थामा फेला परेकी छिन् ।

कपिलवस्तु, शिवराज नगरपालिका-६ पैकिवण्डा बस्ने शालिकराम अहिरको छोरी १५ वर्षीया शान्ति यादव सोही ठाउँस्थित गडगौडा खोलामा आइतबार मृत अवस्थामा फेला परेकी छिन् ।

माथिकै सबै घटनामा प्रहरीले आवश्यक अनुसन्धान गरिरहेको छ ।