काठमाडौं । ललितपुरको भैँसेपाटी प्रभागबाट सार्वजनिक भएको हनी ट्र्याप घटनामा प्रभागकी तत्कालीन प्रमुख प्रहरी निरीक्षक (इन्सपेक्टर) बिनुकुमारी शाही अदालतमा आफैँ उपस्थित भएकी छन्।

शाही आइतबार जिल्ला अदालत ललितपुरमा उपस्थित भएकी हुन्।

जिल्ला न्यायाधीश रीताकुमारी बखरेलको इजलासमा उनको बयान सुरु गरिएको छ । उनको बयान सकिएपछि बहस हुनेछ। त्यसपछि पुर्पक्षका लागि थुनामा पठाउने वा साधारण तारेख तथा धरौटीमा रिहा गर्ने भन्ने आदेश सुनाइने छ।

प्रहरीको केन्द्रीय अनुसन्धान ब्युरो (सीआईबी) ले हनी ट्र्यापको आरोपमा शाहीसहितलाई प्रतिवादी कायम गरेर मुद्दा दर्ता गरेको थियो। शाही भने अनुसन्धान सुरु भएयता फरार थिइन्।