काठमाडौं । गायिका ज्योती मगरले समीक्षा अधिकारीलाई लक्षित गर्दै सामाजिक सञ्जालमा एक स्टाटस लेखेकी छन् ।

समीक्षाले श्री एयरलाइन्सको जहाज डिले भएको आक्रोश पोख्दै लेखेकाे स्टाटसलाई लक्षित गर्दै ज्योतीले प्रकृतिभन्दा माथि कोही पनि नभएको र फ्लाइट रद्द हुनु सामान्य कुरा भएको बताइन् ।

‘भर्खर भर्खर पिलेन चढ्न थालेका कलाकारहरू आज भोलि अधिकांश एयरलाइन्सलाई गाली गर्दै आक्रोश पोख्दै आफूलाई भयङ्कर ठुलो स्टार सम्झेको देख्दा मलाइ हाँसो उठ्छ’, उनले लेखेकी छन्, ‘…कुनै पनि एयरलाइन्सहरुले जानी जानी दुःख दिँदैनन् । एयरपोर्ट सानो छ । अन्तर्राष्ट्रिय उडा देखि डोमेस्टिक उडान एउटै रनवेमा हुन्छ । विभिन्न टेक्निकल कुराहरू हुन्छन् । जहाजहरू उड्न तथा उडाउन पार्किङ गर्न सबै कुराको अनुमति दिने निश्चित निकायहरू हुन्छन् ।’

समीक्षाले आज फेसबुक स्टाटस लेख्दै श्री एयरलाइन्सले बिहानको उडानलाई दिउँसो सारेकोमा आक्रोश पोखेकी थिइन् । यस एयरलाइन्सकै कारण आफ्नो कार्यक्रम छुटेको भन्दै उनले गुनासो गरेकी थिइन् ।

उनले स्टाटस लेखेकाे छिनभरमै ज्योतीकाे यस्ताे पाेष्ट आएकाे हाे ।