काठमाडौँ । नेपाल राष्ट्र बैङ्कले पेवेल नेपाल र सजिलो पे पेमेन्टको लाइसेन्स बिहीबार खारेज गरेको छ । पेवेल नेपाल र सजिलो पे पेमेन्ट कम्पनीले कानुन विपरीत काम गरेको भन्दै राष्ट्र बैङ्कले अनुमतिपत्र खारेज गरिदिएको जनाएको छ ।

राष्ट्र बैङ्कका अनुसार अवैध सुन कारोबारको भुक्तानी प्रक्रियामा डिजिटल पेमेन्ट गेटवे पेवेल र सजिलो पेको संलग्नता रहेको भेटिएको थियो । पेवेल नेपालले २०७७ असोज ११ र सजिलो पे पेमेन्टको २०७७ चैत १७ मा अनुमति लिएको थियो ।

राष्ट्र बैङ्कले सम्पत्ति शुद्धीकरण निवारण ऐन विपरीत काम गरेको पाइएकाले लाइसेन्स खारेज गरीको जनाएको छ ।