काठमाडौं । एभरेष्ट बैंकले सेयरधनीलाई हाल कायम चुक्तापुँजीको २० प्रतिशत लाभांश दिने घोषणा गरेको छ । बिहीबार (भदौ १९) बसेको बैंक सञ्चालक समिति बैठकले गत आर्थिक वर्ष ०८१/८२ को सञ्चित मुनाफाबाट सेयरधनीलाई १४ प्रतिशत बोनस सेयर र कर प्रयोजनसहित ६ प्रतिशत नगद लाभांश दिने घोषणा गरेको हो ।

उक्त प्रस्ताव नेपाल राष्ट्र बैंकबाट स्वीकृति भई बैंकको आगामी वार्षिक साधारणसभाबाट पारित भएपछि सेयरधनीले लाभांश प्राप्त गर्नेछन् ।

हाल बैंकको चुक्तापुँजी १२ अर्ब ९४ करोड ४६ लाख ९४ हजार २६८ रुपैयाँ छ ।