काठमाडाैं । टाटा मोटर्सका लागि नेपालको आधिकारिक वितरक सिप्रदी ट्रेडिङ प्रालिले विद्युतीय सवारीसाधन प्रयोगकर्ताहरुलाई लक्षित गर्दै विन्टर ईभी सर्भिस एन्ड एक्सचेन्ज क्याम्प कार्यक्रम घोषणा गरेको छ । जाडो मौसममा ईभीको प्रदर्शन र सुरक्षिततालाई थप सुदृढ बनाउन विशेष सर्भिस क्याम्प सञ्चालन गर्न लागिएको कम्पनीले जनाएको छ ।

सर्भिस क्याम्प ७ देखि १० डिसेम्बरसम्म चल्ने कम्पनीले जानकारी गराएको छ ।

कम्पनीका अनुसार यस सर्भिस क्याम्पमा सहभागी हुने ईभी ग्राहकहरूले व्यापक निःशुल्क सेवाहरू पाउनेछन्, जसमा निःशुल्क लेबर चार्ज, निःशुल्क टप वारिसङ, निःशुल्क कम्प्युटर डायग्रोसिस, निःशुल्क ब्याट्री तथा इलेक्ट्रिकल परीक्षण, सस्पेन्सन र ब्रेकको निःशुल्क जाँच र एक पूर्ण १० प्वाइन्ट चेकअप सेवा समावेश छन् ।

यसका अतिरिक्त सेवाग्राहीले जाडोको तयारीका लागि आवश्यक पर्ने स्पेयर पार्ट्स र लुब्रिकेन्टमा १८ प्रतिशतसम्म छुटसमेत प्राप्त गर्न सक्ने कम्पनीले जनाएको छ । कम्पनीले यस सर्भिस क्याम्पमार्फत ईभी एक्सचेन्ज सुविधासमेत उपलब्ध गराउने जनाएको छ ।