काठमाडौँ । भारतको मध्य प्रदेशका पूर्व वन मन्त्री तथा कांग्रेसका सांसद उमंग सिंघारकी प्रेमिकाले शाहपुरास्थित घरमा आत्महत्या गरेकी छन् । सिंघारकी प्रेमिका ३९ वर्षीय सोनिया भारद्वाजले आत्महत्या गरेकी हुन् ।

आत्म हत्या गर्नु पूर्व उनले एक ‘सुसाइड नोट’समेत छाडेकी छन् । प्रहरी अधिकृत राजेश सिंह भदौरियाका अनुसार उनीहरूको चाँडो विवाह हुने तयारी भएको थियो । तर, विवाह कहिले हुने भन्ने मिति यकिन हुन सकेको थिएन ।

सोनियाका आफन्तका अनुसार उनले तेस्रो विवाह गर्ने तयारी गरेकी थिइन । यसअघिको पतिसँग उनको सम्बन्ध विच्छेद भइसकेको थियो ।

प्रहरीले आत्म हत्याका बारेमा अनुसन्धान सुरू गरेको छ । यसका लागि आत्म हत्याको रिपोर्ट र सुसाइड नोटलाई आधार मान्ने भएको छ । प्रहरीले सोनियाको परिवारसँग समेत यस विषयमा कुराकानी गरिसकेको छ । उनी घरमा आमा र छोरासँगै बस्दै आएका थिए । एजेन्सी