पोखरा । नेकपा एमाले कास्कीका इन्चार्ज कृष्ण थापाको निधन भएको छ । उनलाई हृदयघात भएर पोखराको मणिपाल शिक्षण अस्पतालमा लगिएको थियो । अस्पताल लगिएकाे केही समयपछि चिकित्सकले उनलाई मृत घोषित गरेका हुन् ।

बिहीबार पोखरा–९ शान्तिवनस्थित जिल्ला पार्टी कार्यालयमा बैठकमा आयोजित निर्वाचन समीक्षा बैठकमा बोल्ने क्रममा उनी अचानक ढलेका थिए ।

थापा २०५४ सालमा पोखराको मेयर निर्वाचित भएका थिए । २०७४ सालमा उनी गण्डकी प्रदेश सभा सदस्य थिए भने २०७९ मा उनी पोखराको मेयर पदको निर्वाचनमा पराजित भएका थिए ।