अमेरिकी राष्ट्रपति डोनाल्ड ट्रम्पले “प्रोजेक्ट फ्रीडम’ लाई अस्थायी रूपमा रोक्ने निर्णय गरेका छन्। यो कार्यक्रम अमेरिकाद्वारा आफ्नो सैन्य, हवाई र नौसैनिक शक्तिको प्रयोग गरेर होर्मुज जलमार्ग हुँदै जाने व्यापारिक जहाजहरूलाई सुरक्षा दिने प्रयास थियो।

अमेरिका र इरानबीच धेरै हप्तादेखि निरन्तर संवाद भइरहेको छ, जसमा पाकिस्तानले सन्देश आदानप्रदान गराउँदै मध्यस्थकर्ताको भूमिका खेलेको छ। यद्यपि इस्लामाबादमा भएका प्रत्यक्ष वार्ताबाट कुनै औपचारिक सम्झौता हुन सकेन, संवाद भने जारी रह्यो।

अमेरिकाले अहिलेआफ्नो “अधिकतम सैन्य दबाब” कायम राख्दैछ। अर्थात्, इरानी बन्दरगाहहरूमा लगाइएको नाकाबन्दी अझै जारी छ, तर होर्मुज जलडमरूमध्यमा व्यापारिक जहाजहरूलाई साथ दिने अमेरिकी जहाजहरूको अभियान भने रोकिएको छ।

दुबै पक्षले भने वार्तामा कहाँ अवरोध छ वा कहाँ प्रगति भएको छ भन्नेबारे धेरै खुलासा गरेका छैनन्।