काठमाडौं । सरकारले निषेधाज्ञा केही खुकुलो गरेसँगै ५५ दिनपछि ट्याक्सी सडकमा निस्किएका छन् ।

काठमाडौं, ललितपुर र भक्तपुरका प्रमुख जिल्ला अधिकारीहरुको संयुक्त बैठकले गएरातीबाट लागू हुने गरी काठमाडौं उपत्यकाको निषेधाज्ञा केही खुकुलो बनाउने निर्णय गरेको थियो ।

सोही अुनसार आजबाट काठमाडौं उपत्यकाको निषेधाज्ञा केही खुकुलो भएको छ । स्वास्थ्य मापदण्ड पालना गरी ट्याक्सीले यात्रु बोक्न पाउने भएका हुन् ।

जोर विजोर प्रणाली अनुसार ट्याक्सी सञ्चालनको अनुमति दिएको र स्वास्थ्य मापदण्ड पालना गरी एकपटकमा बढीमा तीन जना यात्रु बोक्न पाउने काठमाडौंका प्रमुख जिल्ला अधिकारी काली प्रसाद पराजुलीले जानकारी दिए ।

गत बेशाख १६ गतेबाट निषेधाज्ञा सुरु भएपनि सवारी साधन सञ्चालनमा रोक लगाइएको थियो ।

कोरोना संक्रमणको जोखिम कायमै रहेको भन्दै प्रशासनले सार्वजनिक यातायातका साधन सञ्चालनमा भने अझै रोक लगाएको छ ।