काठमाडौँ । सत्ताबाट बाहिरिएसँगै नेकपा एमालेको भ्रातृ संगठन राष्ट्रिय युवा संघ नेपालले युथ फोर्स ब्युँताएको छ । एमालेले विं.सं. २०६५ सालमा महेश बस्नेतको नेतृत्वमा युथफोर्स गठन गरेको थियो ।

युवा संघले आज मंगलबार पत्रकार सम्मेलन गरी युथफोर्स ब्युँतिएको जानकारी दिएको हो । कार्यक्रममा बोल्दै युवा संघका इञ्चार्ज महेश बस्नेतले युथफोर्सले सबैखाले ज्यादतीविरुद्ध जनताको सुरक्षा गर्ने बताए ।

ब्युतिएको युथफोर्सको प्रमुखमा युवा संघका वरिष्ठ उपाध्यक्ष क्षितिज थेवे रहेका छन् । युथफोर्समा ५०१ सदस्य रहने छन् ।