काठमाडौं । अन्तर्राष्ट्रिय समाचार संस्था रोयर्टसका प्रमुख फोटोग्राफर रहेका भारतका दानिश सिद्दीकी अफगानिस्तानको कन्धार प्रान्तमा तालिबान र सरकारी सेनाबीचको युद्धको क्रममा मारिएका छन् ।

भारतमा रहेका अफगानिस्तानी राजदूत फरिद मामुन्दजईले समाजिक सञ्जाल ट्वीटरमार्फत् दानिश सिद्दीकी मारिएको पुष्टि गरेका हुन् । दानिशको मृत्यु कन्धार प्रान्तको स्पिन बोल्डाक जिल्लामा तालिबानसँग अफगानी सेनाको युद्धको क्रममा भएको रोयर्टसले जनाएको छ ।

बुधबार तालिबानले स्पिन बोल्डाक सहर र पाकिस्तानसँग जोडिएको सीमा क्षेत्रलाई आफ्नो नियन्त्रणमा लिएको थियो । उनी पछिल्लो केही दिनयता अफगानिस्तानमा जारी युद्ध र तनावको अवस्था देखाउने तस्वीर खिच्दै आएका थिए ।